Игі істердің бастамасы болған – ТИГУ!
Венгрияда ректорлар форумы өтті
joomla

Хабарландыру

ХАБАРЛАНДЫРУ

       ҚР Президенті  Н.Ә. Назарбаевтың «Болашаққа бағдар: рухани жаңғыру»  атты мақаласының бағдарламасы аясында Тараз инновациялық- гуманитарлық университетінің  мерейлі 10-жылдығына орай  «Өлке өркениеті» тақырыбында жас суретшілердің облыстық деңгейдегі байқауы өтеді. Байқау 2018 жылдың  29- қарашасында, сағат  9-00,  Сатпаев көшесі,  №1 а  (ТИГУ 2-ші оқу ғимаратында) өтеді.
                                                                     «Кәсіптік білім және бейнелеу өнері» кафедрасы

                                             «Өлке өркениеті» атты  1-ші дәстүрлі  облыстық жас суретшілер байқауы
                                                                                           ЕРЕЖЕСІ     
1. Байқаудың тақырыбы: «Өлке өркениеті».
2. Байқаудың мақсаты және міндеттері.
2.1. Байқаудың мақсаты:
      ҚР Президенті  Н.Ә. Назарбаевтың «Болашаққа бағдар: рухани жаңғыру»  атты мақаласының бағдарламасы аясында Тараз инновациялық- гуманитарлық университетінің  мерейлі 10-жылдығына орай  «Өлке өркениеті» тақырыбында жас суретшілердің ой зердесімен,  көзімен туған жердің көрікті сипатын бейнелеу, жас шеберлердің әсемдікті көркемдеп сезіне білу ерекшеліктерін  танытып, олардың шығармашылық бастамасына қолдау көрсету.
2.2. Міндеттері:
-бейнелеу өнерінен-көркем еңбектен талапкер жас суретшілердің шығармашылық еңбекке қабілеттерін дамыту;
-жас шеберлердің көркемдік қызығушылықтарын арттыруға мүмкіндік туғызу;
-байқауға қатыстыру арқылы талапкер жас суретшілердің шығармашылық белсенділіктерін арттыру;
-ерекше дарынымен көзге түскен жас суретшілердің талабын шыңдап, шығармашылық дамуына қолдау көрсету;
-жас суретшілердің өнерге деген эстетикалық талғамын, шығармашылық дағдыларын қалыптастыру.
3. Байқау талаптары және өткізу тәртібі.
3.2. Байқауға қатысушылар:
      Байқауға 14-18 жас аралығындағы мектеп немесе арнаулы орта және жоғары білім беру мекемесінен білім алушылары қатыса алады. Олар екі топта  - 14-16 жас пен 17-18  жас аралығындағы талапкерлер  болып жеке топтар ретінде қаралады. Орындар әр бейнелеу өнері түлерінен бөлек беріледі.
3.2. Бағалау критерийлері:
-байқау жұмыстарының мазмұны берілген тақырыпқа сай орындалуы-
-шығармашылық үлгісі;
- композициясының көркемдігі;
-орындалу техникасы;
3.3. Өткізу тәртібі:
      Байқау бейнелеу өнерінің живопись, графика, мүсін, қолданбалы қол өнері,  түрлерінен өтеді. Жас суретшілер орындайтын туындысын  4-сағат ішінде белгілі тақырып бойынша қалаған материалда (A-2 көлемінен кем емес ватман, кенепте, мүсін -25 см. кем емес көлемде) және кез келген техникада (м.б., акв.,гуашь, акрил, ермек саз және т.б.) орындайды. Байқауға қатысушы жас таланттар өздерімен бірге қосымша екі туындыларын көрсетуге алып келеді.  Ол туындылардың суреті тіркелу құжаттарымен қосып  алдын ала көрсетілуі қажет. Сурет салуға –көркем еңбекке қажетті заттарды байқауға қатысушылар өздерімен әкелуі тиіс. Орын алған үздік туындылар  университет қорында сақталады.  
       Байқауға қатысушылардың тіркелу мерзімі 2018 жылдың 27- ші қарашасына дейін.
4. Байқауды қортындылау және жеңімпаздарды марапаттау.
4.1. Байқаудың қортындысы бойынша қазылар алқасы жеңімпаздарды анықтайды. Әділ қазылар және қайта шешімі өзгермейді қарауға жатпайды.
4.2. Байқаудың жүлделі орындарына ие болған жеңімпаздар  I,II, III дәрежедегі дипломдармен және естелік сыйлықпен марапатталады. Орынға ілікпеген қатысушыларға сертификаттар беріледі. Жас суретшілерді  2-ден кем емес дайындаған жетекші ұстаздарға сертификат беріледі.
4.3. I, II, III oрын алған жеңімпаздардың жетекшілерінің аты- жөндері  байқауға қатысушылардың дипломдарында көрсетілетін болады.
5. Байқаудың ұйымдастырылуы және мерзімі.
5.1. Ұйымдастырушы: Тараз инновациялық-гуманитарлық университеті, Қазақстан Республикасы суретшілер Одағының Жамбыл облыстық ұйымы.
5.2. Байқаудың мерзімі мен орны:    29-   қараша  2018 ж. , Сатпаев көшесі  №1 а  Тараз инновациялық- гуманитарлық университетінің  2-ші оқу ғимараты.
5.3. Байқаудың басталуы: 09-00 сағ.
5.4. Сұраныстарды қабылдау: Тараз қаласы, Сатпаев көшесі  №1 а  Тараз инновациялық- гуманитарлық университетінің 2- ші оқу ғимараты.
Эл. почта:  This email address is being protected from spambots. You need JavaScript enabled to view it.
Байланыс тел: 87052275246, 87052289270

                            Тіркелу үлгісі:

1.Аты -жөні, тегі:  
2 Құжат-куәлік көшірмесі:
3 Оқу орны:             
4. Сынып, курсы:                  
5.Автордың мекен жайы:
6. Телефон, факс, e-mail:
7. Таңдаған өнер түрі -живопись, графика, мүсін, қолданбалы қол өнері (астын сызып көрсетіңіз).
8.Көрсететін екі туындының атауы:
9. Жетекші ұстаздың аты, жөні:

                                      

Жолдауды талқылаған білімді жастар

                                               Жолдауды талқылаған білімді жастарIMG 20181009 132314     2018 жылдың қазан айының 5 жұлдызында Қазақстан Республикасының Президенті Нұрсұлтан Әбішұлы Назарбаевтың «Қазақстандықтардың әл-ауқатының өсуі: табыс пен тұрмыс сапасын арттыру» атты Қазақстан халқына жолдауын жариялаған болатын.
      Жолдауда көрсетілген міндеттер мен негізгі басымдықтар қоғамның қызу талқысына түсуде. Елбасы жүктеген міндеттер мен нақтыланған жоспарлар біздің де назарымыздан тыс қалмай, Тараз инновациялық-гуманитарлық университеті «Білім» факультетінің белсенді жастары да жолдауға байланысты арнайы жиын өткізді. Жиын барысында «Білім» факультетінің студенттік деканы Асылбек Нәсіпқалиұлы баяндама жасап, жолдаудың мақсаты мен міндеттерін жастардың көзқарасымен түсіндіріп өтті. Сонымен қатар, 2019 жыл «Жастар жылы» деп жарияланғандығын назарға ала отырып, факультет көлемінде өткізілу керекті іс-шараларды талқылады.

Мұхамбет Аружан
«Білім» факультеті студенттік деканының хатшысы

IMG 20181009 WA0021IMG 20181009 132409

 

ТАРМУ-дың 60 жылдығына арналған ректор кубогы ТИГУ-дың қанжығасында

debatturnir 2

    debatturnir 3М.Х.Дулати атындағы Тараз мемлекеттік университетінің 60 жылдық мерейтойына орай «Мемлекеттік қызмет-қоғамға және әрбір қазақстандыққа қызмет етудің ерекше түрлері мен қызметі» тақырыбында облыстық пікірсайыс турниріне Тараз инновациялық - гуманитарлық университеті 3 курс студенті Асқар Бекболат пен 1 курс студенті Орынбекова Әсем І орын иеленді.
                                                                                           "Күлтөбе" пікірсайыс клубының жетекшісі Қ.Райкулов

debatturnir

 

 

Жобаны бір кісідей қолдады

                                                                     Жобаны бір кісідей қолдадыO47A9254     2018 жылғы 5 қазандағы Қазақстан Республикасының Президенті Н.Назарбаевтың «Қазақстандықтардың әл-ауқатының өсуі:  табыс пен тұрмыс сапасын арттыру» атты Қазақстан халқына кезекті Жолдауын Тараз инновациялық-гуманитарлық университетінің профессор-оқытушы құрамы мен қызметкерлері және студенттері теледидардан  тыңдады.
    Жолдауда халқымыздың әл-ауқатын жақсылауға, тұрмысын жоғары деңгейге көтеруге, олардың өмір сүру сұранысына бейімделген мемлекеттік аппарат, сыртқы саясаттағы тиімділік және осы үдерістерге азаматтардың атсалысуы бойынша  алты бөлімнен тұратын мәселелер қамтылды:
І. Халық табысының өсуі
II. Тұрмыс сапасын арттыру
III. Өмір сүруге жайлы орта қалыптастыру
IV. Азаматтар сұранысына бейімделген мемлекеттік аппарат
V. Тиімді сыртқы саясат
VІ. Әрбір қазақстандықтың еліміздегі өзгерістер үдерістеріне атсалысуы.
    Мемлекетімізде саяси-әлеуметтік тұрақтылықты нығайтатын Жолдаудағы бұл тараулар халық көңілінен шығып, болашаққа биіктерден қарауына мүмкіндік береді. Алты бөлімнен тұратын Жолдаудағы көтерілген бағыттар бойынша нақтылы көрсетпелер берілді.   
«Тұрмыс сапасын арттыру» деп аталатын бөлім 8 бағыттан тұрады.O47A9248     Бірінші бағытта 5 жыл ішінде білім, ғылым, денсаулық салаларын жетілдіру бойынша халыққа қызмет көрсету сапасын арттыра отырып, көтерілген реформалардың қоғамнан орын тебуіне нақты бағыттарды атап көрсеткен.
    Екінші бағытта мектепке дейінгі білім беру сапасын түбегейлі жақсарту үшін білім беру ісінде 4К моделін іске асыру туралы нақты шаралар көрсетіледі. Жолдауда мұндай шаралардың іске асуы үшін Білім және ғылым министрлігі еліміздің аймақтарындағы әкімдермен бірігіп, «Жол картасын» әзірлеу қажеттігін атап көрсетеді.
     Үшінші бағытта осы шараларға қажетті 50 миллиард теңгені Үкімет бюджетінен жұмсау қажеттігі айтылды.
   Төртінші бағытта 2019-жылы «Педагог мәртебесі туралы» заң қабылданатынын атап көрсетті. Мұның өзі халықтың қаймағы болған мұғалімдердің мәртебесін арттыра отырып, мектептегі білімді  реформалаудың қорытынды кезең екенін атап көрсетті.
    Бесінші бағытта жоғары білім беру ісінде жоғары оқу орындарының қазіргі заман талабына сай білім беру қажеттілігіне баса назар аударды, Назарбаев Университетінің үлгісімен өңірлік жаңа оқу орындары қажет екенін айтты.
     Алтыншы бағыт бойынша  халыққа медициналық қызмет көрсетуді жақсылаудың  заманауи талабына тоқтала отырып ауылдық жерлерде  медициналық-санитарлық көмек көрсетудің тиімді жолдарына тоқталды. Осы мақсатта 2019-жылы Үкімет тарапынан 5 миллиард теңге бөлінетінін хабарлады.
    Жетінші бағыт бойынша бұқаралық спорт пен дене шынықтырудың қолжетімділігін арттыру бойынша бірқатар түйінді мәселелердің оңтайлы шешілуіне арнап өз ойын білдірді.
    Сегізінші бағыт бойынша ұлт саулығына, қазақстандықтарды сапалы азық-түліктермен қамтамасыз ету үшін азық-түлікке, дәрі-дәрмекке, ауыз суға, балалар тұтынатын тауарлардың сапалы болуына, медициналық қызмет көрсетудің  сапасын жақсылау бойынша қомақты мәселелерді атап көрсетті.
    Жолдауды профессор-оқытушылар, қызметкерлер, білімгерлер қол соғып тұрып қолдады.

    Медиа-имидж және баспаханa бөлімі

Білімнің берекелі ұстаздары

image 05 10 18 02 19 2

    Күні кеше ғана Тараз инновациялық-гуманитарлық университетінде «Білім» факультетінің білімді, белсенді, жалынды жастарының «Ұстаздар күні» мерекесіне орай арнайы іс-шарасы ұйымдастырылды. Арайлы таңның атысымен белсенді жастар профессор-оқытушылар қауымын университет алдынан әсем безендірілген дәліз арқылы күтіп алып, ұстаздарымызға ерекше көңіл-күй сыйлады. Студенттік декан– Байғазиев Асылбек Нәсіпқалиұлы бастаған факультет жастарының ұстаздарға деген тосын сыйлары мұнымен шектеліп қалған жоқ.

image 05 10 18 02 18 1     «Білім» факультетінің тапқыр жастары факультет деканы – Құрманбекова Айгүл Сауқымбекқызын  құттықтауды да назардан тыс қалдырмай, деканның жеке жұмыс орнын әсем шарлармен безендіріп, әрлеп, арнайы гүл шоқтары мен сыйлықтар табыс етті. Сондай-ақ, өнері өрге жүзген «Білімнің» өнерпаздары – факультет дәлізінде ұстаздарға арнап шағын мерекелік ән-шашу ұйымдастырып, ұстаздарды төл мерекесімен құттықтады. Мерекелік іс-шарадан соң, белсенді жастар университет алдында ұстаздармен естелік суреттерге түсті.  Білім факультетінің барша ұстаздары шағын мерекелік іс-шарадан соң, белсенді білімгерлерге өздерінің алғыстарын жаудырды.

                                    Мұхамбет Аружан
            «Білім» факультеті студенттік деканының хатшысы

image 05 10 18 02 18 2image 05 10 18 02 18 4image 05 10 18 02 19 1

Ректордың блогы

logo10let

xabarlandiru

logopromishrevol kaz

ruhani jangyru logo

Видеогалерея

Фотогалерея

logo 3d