joomla

Х А Б А Р Л А Н Д Ы Р У

Х А Б А Р Л А Н Д Ы Р У

Тараз инновациялық-гуманитарлық университеті Қазақ әдебиеті мен өнерінің тарихында оқшау тұрған ұлы тұлға, Қазақтың бас ақыны Абай Құнанбайұлының 175 жылдық мерейтойына орай тәуелсіз ел руханиятындағы кемеңгер ақын шығармашылығының маңызын зерделеу, егемен еліміздің әдебиеті мен мәдениетіне үлес қосу және Елбасы Қ.К.Тоқаевтың «Абай және ХХІ ғасырдағы Қазақстан» атты мақаласын насихаттау мақсатында «Абай тағылымы» атты облыстық фестиваль өткізгелі отыр.
«Абай тағылымы» фестивалі нақты 2020 жылдың 11 наурыз күні сағат 09.00-де ТИГУ-дың бас оқу ғимаратында өткізілетіндігін хабарлаймыз.
Байқауға облысымыздың ЖОО, колледж студенттері, мектептің 9,10,11 сынып оқушылары қатыса алады. Байқау төрт бағытқа топтастырылып, өткізіледі.
Аталған іс-шараға қатысатын үміткерлердің сұраныстарын наурыз айының 1-не дейін өткізулерін сұраймыз. Сұраныс хаттағы кестенің толтырылу үлгісі, ережесі және мекенжай қосымшада тіркелген.

Абай тағылымы» фестивалінің өткізілу тәртібі

Байқауға облысымыздың ЖОО, колледж студенттері, мектептің 9,10,11 сынып оқушылары қатыса алады. Байқау төрт бағытқа топтастырылып, өткізіледі.

Фестивальдің мақсаты:
Ел ертеңі өскелең ұрпақты ұлтымыздың ұлы ақыны Абай Құнанбайұлының шығармалары арқылы саналы етіп тәрбиелеу. Абайдың ақындық мектебі, поэзиясындағы дәстүр мен жаңашылдық ұғымының мәні мен маңызын таныту.
Ақынның көркем-әдеби туындыларындағы рухани құндылықтарды үміткерлердің бойына дарыту. Жастардың шығармашылық өсуін қолдау және ынталандыру, талантты да талапты жастарды өнерге баулу болып табылады.
Ұстаздардың шығармашылық қабілетін арттыру.

1-бағыт талабы:
Байқауға еркін форматта Абайдың қарасөздерінен, өлеңдерінен, жалпы шығармашылығынан Абай бейнесін танытатын сахналық қойылым қою;
Драматургтердің пьессаларынан Абайдың тұлғасын даралайтын үзінділерді сахналау;
Моноспектакль жанрында Абайдан монолог, понтомима, этюд, мимимка т.б. орындау;
Қойылым ұзақтығы 10-15 минуттан аспауы керек;
Қойылымға қатысушылар санына шектеу жоқ;
Үміткерлер қойылымға қажетті музыка, жарық, дыбыс эффектілерін пайдалана алады;
Дайын фонограммаларды пайдалануға тыйым салынады.
2-бағыт талабы: Абай қарасөздерін жатқа оқу. Бұл бағыт бойынша үміткер ақын қарасөздерін жатқа, мәнерлеп оқуы тиіс. Үзінді 3-5 минуттан аспауы керек. Орыс, ағылшын тілінде де оқуға болады.
3-бағыт талабы: «Абай – жаңа қоғамның жанашыры» тақырыбында эссе жазу байқауы. Бұл бағыт талабы бойынша үміткерлер жазған эссе Абайдың ақындық, қаламгерлік, философиялық, қайраткерлік болмысы, т.б. қырлары мен шығармашылық сырларын жан-жақты ашуы тиіс. Эссені орыс, ағылшын тілінде де жазуға болады.
4-бағыт талабы: Ақын өмірі мен шығармашылығына байланысты ашық сабақтар мен сыныптан тыс сағаттардың жоспарлары бойынша мектеп мұғалімдері мен ЖОО, колледж оқытушыларына өткізіледі. Жоспарлар алдын ала «Шерхантану» ҒЗО жинақталып, үздік деп танылған сабақтардың авторлары 11 наурыз күні марапаттауға шақырылады. Жұмыстар 5 наурызға дейін орталық мамандарының электрондық поштасына жіберілуі тиіс.
Әр бағыт бойынша тағайындалған әділқазылар алқасы шешім шығарады. Жекелеген номинациялар бойынша да марапаттаулар жүргізіледі.
Жеңімпаздар арнайы дипломдармен, алғыс хаттармен, бағалы сыйлықтармен марапатталады.

Ұйымдастыру алқасы

 Сұраныс үлгісі:

 

Тараз инновациялық-гуманитарлық университетінің бас оқу ғимараты, Желтоқсан көшесі 69Б, «Шерхантану» ғылыми-зерттеу орталығы, 202 бөлме немесе This email address is being protected from spambots. You need JavaScript enabled to view it. электрондық поштасына. Байланыс телефондары: 8 (7262) 54-30-39, 87770850401, 87771704185. «Шерхантану» ғылыми-зерттеу орталығының директоры Айнұр Тұрарқызы Кембаеваға

Болашаққа бағдар: рухани жаңғыру

Болашаққа бағдар: рухани жаңғыру

Қазақстан Республикасының Ақпарат және қоғамдық даму министрлігі «Рухани жаңғыру» бағдарламасының негізгі бағыттары бойынша қоғамның хабардар болуын арттыру және мақсатты аудитория арасында бағдарламаның оң бейнесін қалыптастыру мақсатында интернет желісі, жетекші бұқаралық ақпараттық құралдары және әлеуметтік желілерде слайдтарды назарларыңызға ұсынады.

«Болашаққа бірге қадам жасау, күшті және жауапты адамдардың біртұтас ұлтын қалыптастыру үшін қоғамдық сананы   жаңғырту», «Вместе сделать шаг навстречу будущему, изменить общественное сознание, чтобы стать единой нацией сильных и ответственных людей»,
#Ruhanijangyry
#Bolashaqqabagdar
Слайдтарды келесі сілтеме бойынша жүктеуге болады:     
https://drive.google.com/folderview?id=1yjQnPt6KSB7ZfYP0w_9HyhciPVeAd5zi

МЕМОРАНДУМ

МЕМОРАНДУМ

2.02.2020-4.02.2020 жылы аралығында Ташкент мемлекеттік аграрлық университетінің Нүкіс филиалына Тараз инновациялық-гуманитарлық университетінің ректоры Саурықов Ерболат Байұзақұлы мырза басқарған делегация іс-сапармен келді.
Кездесу барысында екі тарап ауыл шаруашылығы саласында бірлескен ғылыми зерттеулер жүргізу, ғылыми монографиялар, мақалалар әзірлеу, ғылыми-практикалық және ғылыми-әдістемелік конференциялар ұйымдастыру,өткізу туралы келісті.
Нәтижесінде Ташкент мемлекеттік аграрлық университетінің Нүкіс филиалы 2020 жылдың мамыр айында ТИГУ-де өткізілетін халықаралық ғылыми-тәжірибелік конференциясын ұйымдастыру құрылымына кіретіндігі шешілді.
Сонымен қатар,Ташкент мемлекеттік аграрлық университетінің Нүкіс филиалының базасында Тараз инновациялық - гуманитарлық университетінің оқу-кеңес беру орталығын ұйымдастыру туралы келісім жасалынды. Ол өз кезегінде Қарақалпақстан Республикасы жастарын қажетті мамандықтар бойынша даярлауды қамтамасыз етеді.

ЖАҢА УНИВЕРСИТЕТ-СЕРІКТЕС

      

ЖАҢА УНИВЕРСИТЕТ-СЕРІКТЕС


Жуырда Тараз инновациялық-гуманитарлық университеті мен С.Ю. Витте атындағы Мәскеу университеті арасында ынтымақтастық туралы келісім жасалды.
Мақсатқа қол жеткізу үшін тараптар келесі бағыттар бойынша ынтымақтастықты дамытуға келісті:
- ортақ мүдделер саласында бірлескен зерттеу және оқу жобаларын өткізу;
-бірлескен ғылыми-практикалық іс-шаралар (конференциялар, симпозиумдар, семинарлар, дөңгелек үстелдер өткізу);
- студенттердің, оқытушылар мен ғалымдардың академиялық ұтқырлық аясында алмасуы;
- оқытушылар мен ғылыми қызметкерлердің біліктілігін арттыру саласындағы ынтымақтастық;
- мекемелер жүзеге асыратын жобалар шеңберінде ғылыми ақпаратпен және жарияланымдармен алмасу.
С. Ю. Витте атындағы Мәскеу университетінде 2020 жылдың 30 сәуірінде Халықаралық ғылыми-практикалық конференция өткізу туралы ТИГУ ПОҚ мен студенттеріне хабарлаймыз. Толық ақпаратты алу үшін Халықаралық байланыстар бөліміне хабарласыңыз.

Халықаралық байланыстар бөлімі 

Әлемдік оқулықтар қазақ тілінде

Әлемдік оқулықтар қазақ тілінде


 Ақпан айының 4-ші жұлдызында Тараз – инновациялық гуманитарлық университеттің  №2 оқу залында 6В06102-«Есептеу техникасы және бағдарламалық қамтамасыз ету» және 6В06101-«Информатика» мамандықтарының студенттеріне «Жаңа гуманитарлық білім: қазақ тіліндегі 100 жаңа оқулық» жобасы аясында қазақ тіліне аударылған жаңа оқулықтардың тұсаукесері өтті.
«Ақпаратты-коммуникативтік техналогиялар» кафедрасы меңгерушісі М.Онгарбаева, аға оқытушы А.А.Базарбекова К.Шваб «Төртінші индустриялық ревалюция», П.Уоллейс «Интернет психологиясы», Куртланд Л. Бове, Джон В.Тилл «Қазіргі бизнес коммуникация» туындыларға ерекше тоқталып өтті. Бұл оқулықтарда қазіргі технологиялардың адамзат өміріне алып келетін түбегейлі өзгерістері туралы баяндалған: жасанды интеллект, интернет технологиялары роботтандыру, 3D басып шығару, ауқымды мәліметтер, нейротехнологиялар және ғаламдық процестердің даму ерекшеліктері, олардың адамзат игілігіге жарату жолдары қарастырылған. Куртланд Л. Бове, Джон В.Тилл «Қазіргі бизнес коммуникация» оқулығында іскерлік коммуникацияда карьералық дағдысын жетілдіру жолдары аталған.
Әлемдік озық технологияларды меңгеруде 100 жаңа оқулықтың қоғамдық сананы жаңғыртудағы рөлі ерекше екені сөзсіз.

 

Ректордың блогы

ruhani jangyru logo

 

 

Видеогалерея

Фотогалерея

logo 3d

 

 

Пайдалы сілтемелер