МЕКТЕПТЕРДЕ ӨТКЕН ШОЛУ ДӘРІСТЕРІ
«ПЕДАГОГИКА ҒЫЛЫМДАРЫ БОЙЫНША МАГИСТРАНТТАРДЫҢ РЕСПУБЛИКАЛЫҚ ОЛИМПИАДАСЫ»
Венгрияда ректорлар форумы өтті
Канадалық профессор ТИГУ-де сабақ береді
joomla

«Өз басымды өз жырыммен қарайтам...»

«Өз басымды өз жырыммен қарайтам...»

        Сәуір айының 14-күні сағат 11.00-де ТИГУ-дың бас оқу ғимаратында Елбасының «Болашаққа бағдар: рухани жаңғыру» бағдарламалық мақаласының аясында Тараз ииновациялық-гуманитарлық университеті, Шерхантану ғылыми-зерттеу орталығы және «Филология» кафедрасының ұйымдастыруымен Халықаралық «Алаш» әдеби сыйлығының лауреаты, талант атты құдіретті күштің жетегінде жыр жазып, танылып жүрген Маралтай Райымбекұлымен  кездесу өткізілді.       
     Алғашқы сөзді әдеби ортада жас ақындардың шығармашылығын кеңінен насихаттап қана қоймай, сонымен қатар, кейінгі ұрпаққа үлгі етіп, рухани мақсаттың орындалуына атсалысып, кешті ұйымдастыруға ұйытқы болып отырған университет ректоры, филология ғылымдарының докторы, ҚР ҰҒА Құрметті академигі Саурықов Ерболат Байұзақұлына сөз алды.

    Келесі сөз кезегі намысы – найза, серті – семсер, төзімі – тоң, жігері – жалын, ата-баба дәстүрін ұстанған ақын Маралтай  Райымбекұлына берілді.
     Одан соң  әрбір өлеңінің тарихы бар, буырқана жазатын, тылсым тілде жазатын Маралтай ақынның  шығармашылығы жайында баяндама оқылып,  жас ақындар ақын өлеңін жатқа оқып, арнау өлеңдерін оқып,  сыр-сұхбат жасалып, ақынмен тікелей  тілдесті.
      Келесі кезек әкенің өлең сөзге деген махаббаты киелі сахнаның төріне шығуына ықпал етіп, өнер сөзге дес беріп, әке жолын қуып жүрген  Ғайникен Маралтайқызына берілді.
     Осылайша даламен үндесіп, бабамен тілдесіп, жаңамен үйлесіп, санамен күн кешіп өз биігіне жеткен, халқына арқа сүйеп, қайсар болған, еліне еркелеп жауһар болған, оқырманына сүйеніп қаһарман болған ақынмен кездесу студенттер мен оқушыларға, профессор-оқытушылар құрамына,  кеш қонақтарына  үлкен рухани азық болды.

                                                     Ұйымдастырушылар: «Шерхантану» ғылыми-зерттеу орталығы, «Филология» кафедрасы

 O47A3223O47A3248O47A3258O47A3287O47A3364O47A3427O47A3439O47A3444O47A3450

ӨЗБЕКСТАНДА “ҚАЗАҚСТАННЫҢ БІЛІМ КҮНДЕРІ” ӨТТІ

ӨЗБЕКСТАНДА “ҚАЗАҚСТАННЫҢ БІЛІМ КҮНДЕРІ” ӨТТІ

yoshlar merkezi

      2018 жылғы сәуір айының  9-10 жұлдызы аралығында  “Халықаралық бағдарламалар орталығы” АҚ бастамасымен,  Өзбекстан Республикасы Науаи қаласындағы «Ешлар меркезі» ғимаратында мектеп бітіруші түлектер мен студенттерге арнайы ұйымдастырылған Қазақстанның алдыңғы қатарлы 25 жоғары оқу орны өз жәрменкелерін ұсынды. Тараз инновациялық- гуманитарлық университінің «Тәрбие және стратегиялық даму жөніндегі» проректоры Әшірбеков Санат Сағынбекұлы бастап барған топ мүшелері іс-шара барысында, Өзбекстанда тұратын қазақ жастары мен жергілікті тұрғындарға университетіміз туралы тұшымды мағлұмат берді. Үш тілде дайындалған түрлі таратпа материалдар мен университетіміз туралы арнайы шығарылған журналдарды біздің оқу орнында оқуға ниет білдірген жастарға таратты.
     Сонымен қатар, Тараз инновациялық-гуманитарлық университеті мен Науаи тау-кен мемлекеттік институты арасында  келешекте екіжақты  ғылыми қарым-қатынастар жасау жөнінде меморандумға қол қойды.

Медиа және имидждік технологиялар бөлімі

IMG 8969IMG 8986IMG 8994IMG 9273

ЕРЕКШЕ ШОУ-НЫСАНА ТИГУ ЖАСТАРЫМЕН

ЕРЕКШЕ ШОУ-НЫСАНА ТИГУ ЖАСТАРЫМЕН

         2018 жылғы 12-сәуір күні сағат 15:00-де Тараз инновациялық-гуманитарлық университетінің акт залында  ЕРЕКШЕ ШОУ - НЫСАНА әзіл-ысқақ  театрының актерлері университет жастарымен кездесу өткізді.
        Дәнекер Оразбай бастаған өнерлі жігіттерімізге кездесуге қатысқан жастарымыз әртүрлі тақырыптарда өздерін қызықтырып жүрген көкейлеріндегі сұрақтарын қойып, көңіл көншітер жауаптар алды десе болады. Мысалы, көптің көкейінде жүрген мына секілді сұрақтарды ерекше тізбелесек болады:  -  Нысана  әзіл - ысқақ  театрынан  неге ЕРЕКШЕ ШОУ  продакшнға  ауысты? - Отбасында  отағасы  ретінде  қаталсыздар ма? - Сахнада  әйел  адамның  образын  ойнау  қаншалықты  қиын? - Сахнада  рөлді  көп  сомдаған  адамға  қызғаныш  бола  ма? - Алдыға  қойған  мақсаттарыңыз  қандай?
      Осындай сұрақтарға өнер жұлдыздары Дәнекер Оразбай, Нұрбол  Айтулов, Абай Аязбаев, Мади Төреқұлов, Жарас Ахметовтер өздерінің сонау университет қатарында оқып жүрген күннен бергі қызықты оқиғаларымен сабақтастырып жауап берді.
         Кездесу соңында өнерлі ағаларымен студенттер естелік суреттерге түсті.

"Тәрбие жұмыстары" бөлімі

O47A3021O47A3045O47A3056O47A3078O47A3088O47A3089

Х А Б А Р Л А Н Д Ы Р У

ruhani

Х А Б А Р Л А Н Д Ы Р У

2018 04 12 17 32 38

       ҚР Елбасы Н.Ә.Назарбаевтың «Болашаққа бағдар: рухани жаңғыру» бағдарламалық мақаласының және ТИГУ-дың 10 жылдық мерейтойының аясында бас оқу ғимаратының акт залында (Желтоқсан көшесі, 69Б,  4-қабат)  Халықаралық «Алаш» әдеби сыйлығының лауреаты, ақиық ақын Маралтай Райымбекұлымен өтетін «Өз басымды өз жырыммен қарайтам...»  атты кездесу кешіне шақырамыз.

Өткізілетін орны: ТИГУ-дың бас оқу ғимаратының АКТ залы
Өткізілетін мерзімі: 14.04.2018 ж.
Өткізілетін уақыты: сағ. 11.00

Ұйымдастырушылар: «Шерхантану» ғылыми-зерттеу орталығы,
«Филология» кафедрасы

«ТАРЫЗЫМ-ТАРИХТЫҢ БЕСІГІ»

«ТАРЫЗЫМ-ТАРИХТЫҢ БЕСІГІ»

    Жақында Тараз инновациялық –гуманитарлық университетінің мәжіліс залында Тараз инновациялық-гуманитарлық университетінің құрылғанына 10 жыл толуына орай «Филология» кафедрасының доценті, жазушы-журналист, ғалым, ақын Меңдібай Әбілұлының «Таразым-тарихтың бесігі» атты шығармашылық кеші өтті.
       Шығармашылық кешті тараз инновациялық-гуманитарлық университетінің ғылыми жұмыстар және халықаралық қатынастар жөніндегі проректоры, филология ғылымдарының докторы, профессор Қ.Молғаждаров салтанатты жағдайда ашты.
       Шығармашылық кеште филология ғылымдарының кандидаты, профессор, «Филология» кафедрасының оқытушысы Алмасбек Белботаев шығып сөйлеп, М.Әбілұлының ғылым, әдебиет саласындағы жетістіктерін баяндап берді. Сонан соң Қазақстан республикасы Білім және ғылым министрлігі Тараз инновациялық-гуманитарлық университеті ғылыми кеңесінің 28-ақпан 2018-жылғы қаулысы негізінде М. Әбілұлына берілген «ТИГУ дің құрметті профессоры» деген ғылыми дәреженінің дипломын табыс етті.
    Шығармашылық кеште республикалық балалар мен жасөспірімдерге арналған «Балдырған» журналының Бас редакторы Дүйсен Мағлұмовтың құттықтау хаты оқып есіттірілді. Сонан соң дүние жүзі қазақтарының Алматы облыстық филиалы басшысының орынбасары, Қазақстан Республикасы мәдениет қайраткері, журналист Құтмағамбет Қонысбай; республикалық «Дарын» сыйлығының, Президенттік сыйлықтың иегері, республикалық «Егемен Қазақстан» газеті Бас редакторының орынбасары Ғабит Мүсірепов; республикалық «Түркістан» газетінің шолушысы, Т.Айбергенов атындағы сыйлықтың иегері А. Жұмағалиұлы; жырау һәм жыршы, әдебиеттанушы Мақсат Әлсейтов; Құрманғазы атындағы Қазақ Ұлттық консерваториясының оқытушысы, гуманитарлық ғылымдар магистрі Күнқожа Қайрұлла; Қазақстан республикасы білім беру саласының «Жылдың үздік ұстазы» төс белгісінің иегері, филология ғылымдарының магистрі, «Тараз-Болашақ» колледжінің оқытушысы Сабыржан Сейтжанов құттықтау сөз сөйледі.
   Педагогика ғылымдарының кандидаты, доцент, Тараз инновациялық-гуманитарлық университеті «Білім» факультеті, «Филология» кафедрасының меңгерушісі Р. Елубаева «Меңдібай Әбілұлының өмірі мен шығармашылығы»; филология ғылымдарының кандидаты, доцент, Тараз инновациялық-гуманитарлық университетінің аудиторы Э.Пертаева «М. Әбілұлының балаларға арналған әдеби туындылары». Ақын, жырау һәм жыршы, әдебиеттанушы М.Әлсейтов «М.Әбілұлының қиссалары туралы»; Қазақ Ұлттық консерваториясының оқытушысы, гуманитарлық ғылымдар магистрі К. Қайрұлла «М. Әбілұлы-фольклорист-ғалым» атты баяндамалар жасады.
    Шығармашылық кеште маңғыстаулық жыршы-жырау, республикалық жыршы-жыраулар конкурсының бірнеше дүркін жүлдегері, Сәрсенбай Рахманбердиев М. Әбілұлына арналған толғауын, қордайлық жырау Қайрат Жолдасұлы М. Әбілұлының «Тақтакөпірмен қоштасу», ТИГУ білімгері Медеу Мырзатайұлы М. Әбілұлының «Өсиет», Жандос Байкөбекұлы «Жастарға» атты толғау-термелерін орындап берді. Сондай –ақ ТИГУ білімгерлері Байғазиев Асылбек М. Әбілұлының «Қараймын сымбатыңа», Өмірбай Бибарыс Сұлтан «Фирдоуси туралы жыр», Елматова Лаура «Сақтар туралы жыр», Мырзахан Үміт «Хақназар хан туралы жыр», Құдайбергенқызы Мадина, Спанәлі Серік, Жарова Динара М. Әбілұлының өлең-жырларын жатқа мәнерлеп оқып берді.
       Тараз химия-технология колледжінің білімгері Асылхан Жаңабаев М. Әбілұлына арналған өлеңдерін оқып берді.
       Шығармашылық кеш өте қызықты, әсерлі өтті.

O47A2826O47A2877O47A2890

Ректордың блогы

Тараз инновациялық-гуманитарлық университетінің 10 жылдығына арналған іс-шаралар жоспары

logotip

xabarlandiru

talapker

logopromishrevol kaz

ruhani jangyru logo

Видеогалерея

Фотогалерея

logo 3d