Сыйға тартылған қазына
Канадалық профессор ТИГУ-де сабақ береді
joomla

«Тәуелсіздік толғауы»

     Тәуелсіздік мерекесіне арналған «Тәуелсіздік  толғауы» атты ашық тәрбие сағаты.

         2017 жылдың 11 желтоқсанында «Филология» кафедрасының ұйымдастыруымен Қазақстан Республикасы Елбасының «Болашаққа бағдар: рухани жаңғыру» бағдарламасы аясында   еліміздің Тәуелсіздік мерекесіне арналған «Тәуелсіздік  толғауы» атты ашық тәрбие сағаты өткізілді. 

       Ашық тәрбие сағатына университеттің оқу, ғылыми жұмыстар және стратегиялық даму жөніндегі проректоры, тех.ғ.к., доцент Е.Шертаев, тәрбие және қаржы-шаруашылық қызмет жөніндегі проректор С.Әшірбеков, ішкі сапаны қамтамасыз ету  басқармасының бастығы Ю.Дубский, тәрбие бөлімінің бастығы Р.Нуркина, «Шерхантану» ғылыми-зерттеу орталығының директоры А.Кембаева, «Білім» факультетінің деканы, п.ғ.к. А.Құрманбекова және кафедра меңгерушілері шақырылып, қатысты. 

      Ашық тәрбие сағаты студенттердің Мемлекеттік Әнұранды  шырқауымен басталып,  «Қазақ тілі мен әдебиеті» мамандығының 2-курс студенті Мырзатай Медеудің арнауымен жалғасты. «Филология» мамандығының 2-курс студенті Байғазиев Асылбек тәуелсіздік туралы ой толғаған баяндама оқып, өздері дайындаған өткен күндердің тарихи көрінісін көрсетті. Сондай-ақ, 2-курс студенттері Мырзатай Медеу мен Сағадинов Төлеген «Жаса Қазақстан» әнін шырқап, жас ақындар өздерінің жүрекжарды өлеңдерін оқыды. Тәрбие сағатының соңында студенттер «Атамекен» әнін хормен  айтып, кеш қонақтарына сөз берілді. Кеш қонақтары ұлы мерекеге байланысты өздерінің ізгі тілектерін білдіріп, тәуелсіздікті баянды ету – жастардың қолында екендігін атап айтып, сенім білдірді. Ашық тәрбие сағатында студенттер бейнероликтер, слаидтар көрсетіп, желтоқсан жаңғырығы мен жала құрбаны болған есіл боздақтарымыздың ерлігі – ұмытылмас ұлағат, тәлім-тәрбие өзегі екендігін ұғындыруға ұмтылды. 

«Білімді, іскер жастар – ел тірегі»

«Білімді, іскер жастар – ел тірегі»

       Тараз инновациялық-гуманитарлық университетінде «Білімді, іскер жастар – ел тірегі» атты студенттердің кезекті Х-шы республикалық ғылыми-тәжірибелік конференция өтті.

       Екі күнге созылған іс-шараның пленарлық отырысын ТИГУ ректоры Ерболат Саурықов ашып, қатысушыларға сәттілік тіледі. Сондай-ақ, Ерболат Байұзақұлы: - Мемлекет басшысы «Болашаққа бағдар: рухани жаңғыру» бағдарламалық мақаласында «Табысты болудың ең іргелі, басты факторы білім екенін әркім терең түсінуі керек. Жастарымыз басымдық беретін межелердің қатарында білім әрдайым бірінші орында тұруы шарт. Себебі, құндылықтар жүйесінде білімді бәрінен биік қоятын ұлт қана табысқа жетеді» деп көрсетілген болатын. Демек, ұлттың биікті бағындыруы, арманына қол жеткізуі, бекзада болмысын сақтауы білім, ғылымға жаны құштар көзі ашық жастар арқылы орындалатын дүние. Осы мақсатта мұндай жиындар жиі ұйымдастырылып тұруы керек, - деп, конференция дәстүрлі түрде жалғасын табатынын айтты. Сонымен қатар, ғылыми-тәжірибелік конференцияға еліміздің өзге де өңірлерінен келіп түскен үздік деген баяндамалар оқылып, әрі қарай секция жұмыстарына ұласты.
      Айта кетейік, бес бағыт бойынша жалғасқан (Қазақстан жастары және «Рухани жаңғыру» аясындағы филология ғылымының өзекті  мәселелері, «Рухани жаңғыру» аясындағы белсенді жастар және жаратылыстану ғылымдары мәселелері, Қазақстан жастары және «Рухани жаңғыру» аясындағы әлеуметтік, экономикалық, саяси жағдай, Жастар және «Рухани жаңғыру» аясындағы мемлекеттігіміздің құқықтық мәселелері, Жас ұрпақ және педагогика: «Рухани жаңғыру» аясындағы патриоттық, тәрбиелік мәселелері) секция жұмыстарына бас-аяғы 150-ге жуық материал түсіп, ғалымдардан құралған қазылар алқасы үздік жұмыстарды анықтады. Барлық жеңімпаздар мен жүлдегерлер арнайы дипломдармен марапатталып, бағалы сыйлықтармен және қаржылай марапатталды.

ТИГУ баспасөз орталығы

«Білімді жастар – Тәуелсіз Қазақстанның келешегі» облыстық пікір-сайыс турнирі

        

«Білімді жастар – Тәуелсіз Қазақстанның келешегі»  

       3 желтоқсан күні Мемлекет басшысының «Болашаққа бағдар: рухани жаңғыру» атты мақаласы аясында және ҚР Тұғыш Президент күні мерекесіне орай «Білімді жастар Тәуелсіз Қазақстанның келешегі» атты  тақырыбында  облыстық пікірсайыс турнирі қазақ және орыс тілінде өтті. Турнир нәтижесі бойынша:

Қазақ лигасы бойынша:

1. І орын  Жамбыл экономика және Ақпараттық технология колледжі «Джамейкорс» 

  Омарова Талшын

  Кенжебаева Айсұлу 

 2. ІІ орын М.Х. Дулати атындағы ТарМУ «Алтыным»

 Тургалиева Венера

 Сейдазим Урсула

3.ІІІ орын Жамбыл политехникалық колледж «Шах и Мат» 

Қайратқызы Нәр

Дүйсен Жасұлан                    

«Үздік төреші» - Тараз инновациялық-гуманитарлық университеті  Шамбыл Шұға

Орыс лигасы бойынша:

1.І орын Жамбыл экономика және Ақпараттық технология колледжі «Desting»

Шигилбеков Ансар

Орынбай Рахат

2. ІІ орын Тараз инновациялық-гуманитарлық университеті «Адреналин»

Булатникова Екатерина

Ефреминко Михаил

3.ІІІ орын  Жамбыл экономика және Ақпараттық технология колледжі «Gambits» 

Тлеукулов Абылай

Нұрмахан Дамир            

 «Үздік төреші» - Нұрпейсов Михайл

«Үздік спикер» - Орынбай Рахат 

 


Шерхан оқулары: ТИГУ ректорының гранты иесін тапты

Шерхан оқулары: ТИГУ ректорының гранты иесін тапты

           Университетте «Шерхантану» ғылыми-зерттеу орталығының мұрындық болуымен дәстүрлі облыстық «Шерхан оқулары» байқауы мәресіне жетті. Осымен екінші рет ұйымдастырылып отырған оқушылар байқауы биыл да өз деңгейінде өтті.

        Аудандық, қалалық кезеңдерден сүрінбей озық шыққан озат 120-ға жуық оқушы облыстық сында бақ сынасты. Төрт бағыт бойынша өз өнерлерін ортаға салған үміткерлер арасынан 12 үздік дара шығып, бас бәйге ректор гранты үшін білім бәсекесіне түсті. 

         Нәтижесінде, төрт бағыт бойынша 24 жүлдегер мен олардың жетекшілеріне арнайы дипломдар мен бағалы сыйлықтар табысталды. Ал төрт жыл тегін оқуға мүмкіндік беретін «Ректор гранты» сертификатын Тараз қаласындағы №15 мектептің 11 сынып оқушысы Назерке Қадырбек жеңіп алды. Шу ауданынан келген Аяулым Несіпбай 50% оқу ақысына жеңілдікті ұтып алса, 25% оқу ақысына жеңілдік Талас ауданы Қойгелді орта мектебінің оқушысы Құралай Жаңабаеваға бұйырды.

    Марапаттау салтанатында ТИГУ ректоры Ерболат Саурықов барлық қатысушылар мен оларды дайындаған жетекшілерге алғыс айтып, Шерхан шығармашылығын жастар арасында барынша дәріптеу мақсатында байқау жылда жалғасын табатын болады деді. Бұдан өзге, «Шерхантану» ғылыми-зерттеу орталығының ұйымдастырумен ақындар айтысы, жазба ақындар мүшәйрасы да үнемі өткізіліп келеді.

ТИГУ баспасөз орталығы

«Сыбайлас жемкорлықтың алдын алу біріңғай сағаты»

       «Сыбайлас жемкорлықтың алдын алу біріңғай сағаты»

       2017 жылы 29 қарашада Тараз инновациялық-гуманитарлық университетінде  сағат 11:00-де оқытушы құрамы мен студенттердің қатысуымен «Сыбайлас жемкорлықтың алдын алу біріңғай сағаты» атты іс-шарасы ұйымдастырылды. Біріңғай сабақ шеңберінде 2015-2025 жылдарға арналған сыбайлас жемқорлыққа қарсы стратегия «100 нақты қадам» ұлт жоспары бойынша және мемлекетімізде  сыбайлас жемқорлықтың алдын  алуға бағытталып жүргізіліп жатқан  ортақ саясаттың маңыздылығы ортаға салынды. 

Ректордың блогы

Тараз инновациялық-гуманитарлық университетінің 10 жылдығына арналған іс-шаралар жоспары

logotip

Фотогалерея

logo 3d