Тарихы

«БІЛІМ» ФАКУЛЬТЕТІ 

Bilim

«Білім» факультеті 2014-2015 оқу жылының 1-қыркүйегінде құрылған. Факультет білім және гуманитарлық ғылымдар бағытында мамандар даярлайды. Факультет деканы: Құрманбекова Айгүл Сауқымбекқызы - педагогика ғылымдарының кандидаты, доцент.

            Факультеттің ПОҚ-лар құрамы

Факультетте 70-ке жуық ПОҚ қызмет етеді, оның ішінде 7 ғылым докторы, профессор, 20-дан аса ғылым кандидаты, доценттер бар. Сонымен қатар осы оқытушылар құрамында Республикамызға белгілі ғалымдарымыз еңбек етеді, атап айтқанда «ҚР білім беру ісінің үздігі», «ҚР үздік оқытушысы» Ж.Т.Сарыбекова, «ҚР үздік оқытушысы» А.О. Карибаева, В.А. Ким, Қазақстан Республикасының еңбек сіңірген жаттықтырушысы С.А.Абдикеримов, Ұлттық Білім академиясының академигі, «Ы.Алтынсарин» төсбелгісінің және Мемлекеттік сыйлықтың иегері Қ.Бөлеев, Жамбыл облысы бойынша суретшілер одағының басшысы А.Сихаев, т.б.

Факультетте даярланатын бакалавр мамандықтары:

5В010100 – «Мектепке дейінгі оқыту және тәрбиелеу»;

5В010200 – «Бастауыш оқытудың педагогикасы мен әдістемесі»;

5В010700 – «Бейнелеу өнері және сызу»;

5В012000 – «Кәсіптік оқыту»;

5В010800 – «Дене шынықтыру және спорт»;

5В010400 – «Бастапқы әскери дайындық»;

5В010300 – «Педагогика және психология»;

5В011700 – «Қазақ тілі мен әдебиеті»;

5В020500 – «Филология»;

5В011900 – «Шетел тілі: екі шетел тілі».

Факультетте даярланатын магистратура мамандықтары:

6М010300 – «Педагогика және психология»;

6М011700 – «Қазақ тілі мен әдебиеті»;

6М011900 – «Шетел тілі: екі шетел тілі»;

6М012000 «Кәсіптік оқыту» (салалар бойынша).

Факультетте – 1000-ға жуық студенттер дәріс алады. Факультетте бастауыш сынып мұғалімдері, педагог, әлеуметік педагог, психологтар, шетел тілінің мамандары (ағылшын-қытай, ағылшын-корей), қазақ тілі мен әдебиеті пәнінің мұғалімдері, филологтар, дене шынықтыру және спорт, бастапқы әскери дайындық, бейнелеу өнері және сызу саласындағы мамандар даярланады. Түлектер сәйкесінше мектепке дейінгі оқыту мен тәрбиелеу мекемелерінің барлық типтері, жалпы білім беретін орта мектеп жүйесі, мамандандырылған мектептер, арнайы түзету мекемелері, бастапқы кәсіби білім беру мекемелері, орта кәсіби білім беру мекемелері, орта білімнен кейін білім беру және басқару ұйымдары, сондай-ақ ғылым, баспа ісі, бұқаралық ақпарат құралдары, оның ішінде интернет, білім беру саласындағы әкімшілік қызметтер, әлеуметтік-гуманитарлық қызметтердің басқа да салаларына жұмысқа орналаса алады.

Факультет құрамында даярланатын мамандықтарға сәйкес дәрісханалар, хертханалар, әдістемелік кабинеттер жұмыс жасайды. Факультеттің барлық профессор-оқытушылары ғылыми-зерттеу жұмыстарымен айналысып, республикалық, халықаралық ғылыми конференцияларда, журналдарда мақалалар жариялауда, оқу-әдістемелік құралдар, оқулықтар, электронды оқулықтар, монографиялар шығаруда, студенттерді де ғылыми-зерттеу жұмыстарына баулып, әр түрлі студенттік ғылыми конференцияларға, олимпиадаларға, байқауларға, сондай-ақ облыстық, республикалық, халықаралық жарыстарға, спартакиадаларға қатысуға және жүлделі орындарға ие болуға ықпал етуде. Студенттерге шетел тілін меңгертуде Оңтүстік Корея Кенгһам Университетінің оқытушысы – Ли Минджа дәріс беруде. Факультет студенттері академиялық ұтқырлық бағдарламасы бойынша басқа ЖОО-да және шет елдерде білім алып, тәжірибеден өтуде. Атап айтқанда: Қытай халық Республикасының Құлжа қаласындағы Іле педагогикалық университетінде, Қытай халық Республикасының Санжы университетінде, Оңтүстік Корей Сеул қаласындағы Пан Юн университеттерінде дәріс алуда.

Факультеттің мекен-жайы: Тараз қаласы, Сатпаев көшесі 1 А, № 2 оқу ғимараты.

КАФЕДРАЛАР

 

«ПЕДАГОГИКА ЖӘНЕ ПСИХОЛОГИЯ» КАФЕДРАСЫ

«ПЕДАГОГИКА ЖӘНЕ ПСИХОЛОГИЯ» КАФЕДРАСЫ

      Тараз инновациялық-гуманитарлық университетінде 5В010300 «Педагогика және психология» мамандығы 2008 жылдан бері жұмыс атқарып келеді. 2009 жылдың 1 қыркүйегінен «Педагогика» кафедрасы болып аталды. 2014 жылдың қыркүйегінде кафедра жүктемелері және жүргізілетін пәндердің көбейгендігіне байланысты кафедра «Педагогика және психология» және «Мектепке дейінгі, бастауыш, кәсіптік оқыту және бейнелеу өнері» кафедрасы болып өзгерді.
     «Педагогика және психология» кафедрасы келесі анықтамалармен мінезделінеді: рецензиялық журналдар, ғылыми монографиялар, кітаптар, рецензиялық жинақтарда мақалалар, баяндамалар жариялау, ғылыми іс – шараларға ат салысу және ұйымдастыру, ғылыми зерттеулер. Сонымен қатар «Педагогика және психология» кафедрасы: элективті пәндер каталогын, әдістемелік нұсқаулар, жұмыс оқу бағдарламалары, тесттерді жасау, дидактикалық материалдарды әзірлеу; авторлық бағдарламаларды рецензиялау және т.б.
       Мұғалімдердің жұмысының нәтижелері ректордың бұйрығымен жыл сайын тағайындалатын конкурстық комиссиямен анықталады. Рейтингтік бағалау нәтижелері бойынша конкурстық комиссия «ТИГУ-нің  үздік оқытушысы», «ТИГУ үздік кафедрасы», «ТИГУ үздік факультеті» анықтайды. Сонымен, 2015-2016 жылдары «Педагогика және психология» кафедрасы «ТИГУ-нің ең үздік кафедрасы» номинациясын жеңіп алды. 1                      
      Кафедраның профессор-оқытушылар құрамының тәрбие жұмысы ТИГУ тәрбие жұмысының кешенді жоспарының негізінде жүзеге асырылады. Кураторлық - мұғалімдердің іс-әрекеттерінің бірі және студенттермен өзара әрекеттесудің біртүрі болып саналады. Кафедра «Мен өмірді таңдаймын» тақырыбында семинар өткізді (жастар арасындағы суицидтің алдын-алу), «Асыл Арман» қоғамдық бірлестігінің психологы Марал Хантөре қызының «Қоғамның заманауи жағдайында жастардың психологиялық бейімделуі» тақырыбына арналған «Елге сапар психологиясы» атты іс-шарасы облыстық және университеттік көлемде «Рухани жаңғыру» бағдарламасы бойынша іс-шаралар өткізді.
    Кафедра меңгерушісі жыл сайынғы есептерде және рейтингісінде көрсетілетін мұғалімдердің жеке жоспарына сәйкес жоспарланған жұмыстың орындалуын талдайды.
       5В010300 «Педагогика және психология» кафедрасының профессор-оқытушылар құрамы «Педагогика» және «Психология» пәндері бойынша факультеттің барлық мамандықтары бойынша дәріс оқиды.O47A7718Кафедраның ғылыми бағыттары:
Кафедра 2014-2017 жылдарға арналған ғылыми-зерттеу жұмыстарын жүргізеді. «Адамның рухани-адамгершілік тәрбиесінің психологиялық-педагогикалық негіздері» тақырыбында баяндама жасалды. Кафедраның ғылыми-зерттеу жұмысының нәтижелері оқу үрдісіне енгізіледі. Кафедра 2014-2017 жылдарға арналған ғылыми-зерттеу жұмыстарын жүргізді. «Адамның рухани-адамгершілік тәрбиесінің психологиялық-педагогикалық негіздері» тақырыбында баяндама жасады. Кафедраның ғылыми-зерттеу жұмысының нәтижелері оқу үрдісіне енгізілді.
Зерттеу нәтижелері бойынша келесі монографиялар жарияланды:
«Студенттер арасында этносаралық қарым-қатынас мәдениетін қалыптастырудың моральдық негіздері», «Патриоттық сана, сендіру, дүниетаным және тұлға» (әдістеме, теория және тәжірибе) 2014-2015 жж.;«Патриоттық сана, сенімділік, дүниетаным және тұлға (әдіснама, теория, тәжірибе)», «Студенттің рухани-адамгершілік қасиетін қалыптастырудағы жүйелік тәсіл» (теориясы мен тәжірибесі) 2015-2016 жж.; «Студенттердің рухани-адамгершілік әл-ауқатын анықтау методологиясы» монографиясы, «Көп ұлтты ұжымның студенттерінің рухани-адамгершілік тәрбиесінің полиэтникалық принципі» (теориялық және әдістемелік аспектілер) 2017 жылы; «Жоғары оқу орындарында білім берудің қосарлы жүйесінің ерекшеліктері: Қазақстан мен Германияның тәжірибесі» монографиясы: авторы п.ғ.д., профессор Ж.Т. Сарыбекова.

 Оқулықтар және оқу-әдістемелік құралдар: авторы п.ғ.д., профессор Ж.Т. Сарыбекова
 «Қыздар тәрбиесі», «Болашақ мамандарды қыз тәрбиесін үйымдастыруға даярлау әдістері (әдістемелік құралы)», «Бүгінгі патриоттық тәрбиенің көкейкесті мәселелері», «Қыздар тәрбиесін ұйымдастыру», «Қазақ ойшылдардың еңбектеріндегі қыздар тәрбиесі», «Қыздар тәрбиелеудің дәстүрлі әдістері (студентерге арналған оқу-әдістемелік кешен)»,«Қазақ халқының дәстүрлі тәрбие түрлері арқылы қыздарды тәрбиелеу тұжырымдамасы», «Қазақ қызының психологиясы», «Қыз ғұмыр»,  
«Концепция воспитания девочек посредством традиционных форм воспитания казахского народа», «Concept of girls upbringing through traditional forms of the Kazakh peoples upbringing»

Магистратура мамандықтары үшін

 

Кафедра

                                                             ФИЛОЛОГИЯ КАФЕДРАСЫElubaeva Rahat

Кафедраның меңгерушісі: Елубаева Рахат Сайлаубекқызы – педагогика ғылымдарының кандидаты, доцент.
     Р.С.Елубаева 1997 жылы Жамбыл педагогикалық институтын үздік аяқтап, 1997-2000 жылдар аралығында ТарМУ-да аспирантураның күндізгі бөлімінде білім алып, 2000 жылы ғылыми кандидаттық диссертациясын ойдағыдай қорғады. 2000-2004 жылдар аралығында М.Х.Дулати атындағы Тараз Мемлекеттік университетінің «Қазақ әдебиеті» кафедрасында доцент міндетін атқарушы қызметін, 2004-2008 жылдар аралығында А. Яссауи атындағы ХҚТУ ТИ «Қазақ әдебиеті» кафедрасының меңгерушісі қызметін атқарды. 2008 жылдан Тараз инновациялық-гуманитарлық университетінде «Филология» кафедрасының меңгерушісі.
    Бүгінгі таңға дейін Рахат Сайлаубекқызының 70-тен аса ғылыми, оқу-әдістемелік және әдеби-шығармашылық еңбектері жарық көрген. Оның ішінде 1 монография, 2 оқу құралы, 10-нан аса оқу-әдістемелік құралдар мен нұсқаулардың, 60-тан аса ғылыми мақалалардың авторы.

     Кафедра тарихы:
Тараз инновациялық-гуманитарлық университетінің жаңадан ашылуына байланысты 2008-2009 оқу жылында университет ішінде «Тілдер» кафедрасы құрылды. Ал 2009-2010 оқу жылында университет құрылымындағы өзгерістерге байланысты «Қазақ тілі мен әдебиеті», 2010-2011 оқу жылында «Филология» кафедрасы болып қайта құрылды.
    Кафедраның профессор-оқытушылар құрамы:
Қазіргі таңда, кафедра құрамында 2 ғылым докторы, 8 ғылым кандидаты, 2 магистр оқытушы, 1 оператор қызмет атқарады.
    Кафедрада дайындалатын мамандықтар тізімі:
«Филология» кафедрасы: «5В011700–Қазақ тілі мен әдебиеті», «5В020500–Филология» мамандықтары бойынша мамандар даярлайды. Мамандар дайындау күндізгі және сырттай оқыту түрлері арқылы жүзеге асады. Сонымен қатар, 2008 жылдан бастап кафедрада «6N0117–Қазақ тілі мен әдебиеті» мамандығы бойынша магистрлер даярлау жұмысы жүргізіліп келеді.
Кафедраның ғылыми бағыты: Кафедраның оқытушылары «Филология ғылымдарының өзекті мәселесі» бойынша ғылыми-зерттеу жұмыстарын жүргізуде.
    Кафедраның жетістіктері:
«Филология» кафедрасында республикаға танымал белгілі ғалымдар жұмыс істейді. Кафедраның профессор-оқытушылары жоғары импакт-фактор көрсеткішіне ие халықаралық басылымдарда, халықаралық конференцияларда, алыс шетелде, ТМД өткізілген конференцияларға, республикалық конференцияларда, облыстық, республикалық журналдарда мақала жариялап отырады. Атап айтқанда, Е.Б. Саурықовтың «International journal Languages and Linguistics   30 october   2014, The International Symposium on Silk Roud Economic Belt     Collected papers», А. Кәрібаеваның Канадада «The 10th International Conference on European Science and Technology», Р.С.Елубаева мен Қ.Ө.Тамабаеваның «Sh. Murtasa’s publicity and sayings are about independence» мақаласы жарық көрсе, кафедраның профессор-оқытушылары құрамының 6 монографиясы, 17 оқулығы, 16 оқу құралы, 16 сөздік, 2 хрестоматия, 17 оқу- әдістемелік құралы, 15 оқу бағдарламасының, 613 ғылыми мақалалары ғылыми айналымда.
«Филология» кафедрасының профессоры, ф.ғ.д. Е.Б.Саурықов 2005 жылы ҚР Президентінің алғыс хатымен, 2007 жылы ҚР Мәдениет және ақпарат министірлігінің алғыс хатымен марапатталса, 2014 жылы Жамбыл облысы Мойынқұм ауданының құрметті азаматы, 2015 жылы ҚР Білім беру ісінің үздігі атағын, 2016 жылы ҚР Ерен еңбегі медалін иеленді. Кафедра доценті А.Ө.Кәрібаева 2009 жылы ЖОО Үздік оқытушысы грантының иегері, 2012 жылы Аймақтық менеджмент академиясының профессоры және корреспондент-мүшесі атағын алды. Жазушылар Одағының мүшесі, кафедра доценті М.Әбілов 2013 жылы, кафедра меңгерушісі, п.ғ.к., доцент Р.С.Елубаева 2014 жылы Аймақтық менеджмент академиясының профессоры атағын иеленді. 2013 жылы Тараз инновациялық-гуманитарлық университетінің 5 жыл толуына байланысты кафедра меңгерушісі п.ғ.к., доцент Р.С.Елубаева, ф.ғ.к., доцент А.Бельботаев, ф.ғ.к., доцент Қ.Тамабаева, ф.ғ.к., доцент Э.К.Пертаева медальмен марапатталды. 2014 жылы п.ғ.к. доцент Р.С.Елубаева облыс әкімдігінің тілдерді дамыту басқармасының алғыс хатымен марапатталды.       
   Кафедра оқытушыларының біліктілігін көтеру: Сонымен бірге кафедраның профессор-оқытушылары заманға сай инновациялық жаңалықтардан қол үзбеу мақсатында біліктіліктілігін жоғарылату курстарына қатысып отырады. Атап айтқанда, Е.Б.Саурықов 2005 ж ҚР БҒМ Ұлттық аккредиттеу орталығының сертификаті иегері,2006 ж ҚР БЖҒМ министр Б.Әйтімовадан берілген сертификаті иегері,2010 ж ҚР БЖҒМ «Ұлттық білім беру сапасын бағалау орталығы» РМҚК сертификаті иегері, кафедра меңгерушісі ф.ғ.к., доцент Р.С.Елубаева, ф.ғ.к., доцент Р.А.Беркенова АИС «Платон» (Platonus) қолданушының толық курсын өтіп, квалификациялық емтиханды тапсырды. Р.С.Елубаева Heilbronn университеті мен М.Х.Дулати ат. мемлекеттік университеті біріктіріп өткізген семинар-тренингке қатысты. Беркенова Р. "Өрлеу" БАҰО" АҚ филиалында Elsevier жетекшілігімен өткен семинарға қатысып, біліктілігін жоғарылатты.
Әріптестік туралы кафедраның жасасқан келісім-шарттары: Кафедраның жетекші профессорлары мен доценттері облыстардағы университеттермен, мектептермен ғылыми-әдістемелік байланыс жасап, теориялық курстардан лекция оқиды, аспиранттар мен ізденушілердің ғылыми жұмыстарына жетекшілік жасайды, мектеп мұғалімдеріне ғылыми-теориялық және әдістемелік ақыл-кеңестер береді. Кафедра ұжымы Қырғызстан Республикасының Чу университетімен, Қырғызстан Республикасының Әлеуметтік даму және кәсіпкерлік институтымен, әл-Фараби атындағы Қазақ ұлттық университетімен, М.Әуезов атындағы Оңтүстік Қазақстан мемлекеттік университетімен, Көкшетау қаласының «Көкше» академиясымен, Тараз қаласының № 36, № 38, №55 орта мектептерімен тығыз әріптестік байланыста.
Мекен-жайы: Сатпаева к-сі, 1А
Тел: 87262 -42-60-26
e-mail:This email address is being protected from spambots. You need JavaScript enabled to view it.   

 

Беркенова Рабиға Ағабекқызының 50 жас мерейтойы

   

O47A0307 min 

2019 жылдың 29 наурыз күні Тараз инновациялық-гуманитарлық университетінде «Филология» кафедрасының ұйымдастыруымен «Филология» кафедрасының доценті, филология ғылымдарының кандидаты Беркенова Рабиға Ағабекқызының 50 жас мерейтойы аталып өтті.

Құттықтау кеші «Қазақ тілі мен әдебиеті» мамандығының 2 курс студенті Көшербаева Айымның арнауымен ашылды.

Беркенова Рабиға Ағабекқызының 50 жас мерейтойының алғашқы құттықтауы ТИГУ ректоры, ф.ғ.д., профессор, ҚР ҰҒА Құрметті мүшесі Саурықов Ерболат Байұзақұлына, Кәсіподақ ұйымының төрайымы Алимкулова Шырын Исламбекқызына берілді.  

«Филология» кафедрасының меңгерушісі, п.ғ.к., доцент Елубаева Рахат Сайлаубекқызы ғалымның өмірі мен шығармашылығы бойынша «БІЛІКТІ ҰСТАЗ – ӨМІР ТІРЕГІ» атты баяндамасын жасады.

Тараз инновациялық-гуманитарлық университетінің аудиторы, филология ғылымдарының кандидаты Пертаева Эльмира Құлибайқызы «РАБИҒА БЕРКЕНОВА – РЫМҒАЛИ НҰРҒАЛИТАНУШЫ» тақырыбындағы баяндамасында ғалымның қазақ драматургиясының өзекті мәселелерінің бірі – драма теориясының негіздеріне бағытталған ғылыми-зерттеу жұмыс екендігін нақтылап өтті.

Беркенова Рабиға Ағабекқызының өмірі мен шығармашылық қырларына байланысты «Шәкірттер құттықтауының» бейнебаяны көрсетіліп, «Филология» мамандығының 3 курс студенті Спанәлі Серік «Ұстазыма» атты өлең жолдарын арнады.

Мерейтой соңы әріптестердің жылы лебіздері мен құттықтауларына ұласты. Құттықтау кешіне М.Дулати атындағы Тараз мемлекеттік университеті «Дулаттану» ғылыми-зерттеу орталығының директоры, ф.ғ.д., профессор Құлбарақ Сәмен Оразғалиұлы, «Филология және журналистика» кафедрасының доценті, ф.ғ.к. Мұқашев Темірбай Әліұлы, А.Ясауи атындағы Халықаралық қазақ-түрік университеті, Ғылыми-зерттеу жұмыстарын жүргізу бөлімінің директоры міндетін атқарушы Әбжет Бақыт Сырымұлы қатысып, өз тілектерін білдірді. 

 O47A0324 min        O47A0354 min     

                                O47A0289

 

Кафедра жаңалықтары және жетістіктері

 

          БІЛІМ МҰХИТЫНДА, ӨНЕР АЙДЫНЫНДА

         Қазіргі таңда университетіміздің барша студенттері білім мен оқуды, еңбек пен спортты, түрлі мәдени-әдеби шараларды қатар жүргізе отырып, өздерінің өмірге деген құштарлығын арттыруда әжептәуір жетістіктерді қолға кіргізді.

           Мемлекеттік тілге деген қызығушылықты арттыру, қазақстандық бірегейлікті қалыптастыру, қоғамдық келісім мен ел бірлігін нығайту, ел мен жер, қала мен даланың әсемдігін паш ету әрбір қазақстандық азаматтың төл міндеті болса керек. Латын әліпбиіне көшу – қазақ тілінің халықаралық дәрежеге шығуына, түркі және жаһандық әлеммен ықпалдасуға, ертеден қолданған әліпбиімізге қайта оралып, ұлттық санамыздың қайта жыңғыруына жол ашады. Бұл процесс қазақ халқының алға жылжуына, жаңа заман талабына сай өсіп-өркендеуіне, болашақта еліміздің жан-жақты дамуына үлкен үлес қосып, жемісі мен жеңісін әкелері сөзсіз. Біз латын әліпбиіне көше отырып, өркениетті елдердің қатарына қосылып, тіліміздегі дабыстық жүйелерді нақ анықтап, қазақ тілінің жазылуы мен дыбысталу кезінде сөздер қолданысындағы артық кірме сөздерден арыламыз. Осыған орай 2018 жылдың 20 қыркүйек күні «Астана – бейбітшілік бесігі» атты Астананың 20 жылдығына арналған жалпы қазақстандық ашық диктант ұйымдастырылды.

1.1  1.2

 

«Жамбыл – менің жай атым, халық – менің шын атым!»

 "Білім" факультеті қазақ тілі мен әдебиеті, филология мамандықтарының студенттері Жамбыл облысы әкімдігінің мәдениет, архивтер және құжаттама басқармасы Облыстық халық шығармашылығы орталығының ұйымдастыруымен өткен «Жамбыл – менің жай атым, халық – менің шын атым!» атты республикалық ақындар сайысына қатысты. Филология мамандығының 3-курс студенті, жас айтыскер ақын Мырзатай Медеу ынталандыру Алғыс хатымен марапатталып, Республикалық ақындар сайысына жолдама алды.

2.1

 

«Ана тілім -айбыным»

21 Ақпан – Халықаралық ана тілі мерекесіне орай өткізілген «Ана тілім -айбыным» атты ұлтаралық фестивальде «Филология» кафедрасы қырғыз ұлты болып шығып, қырғыз ұлтының салт-дәстүрін, әдет-ғұрпын, өнерін көрсетіп, белсенділік танытты. Осылай білім мен өнерді қабыстыра білген «Қазақ тілі мен әдебиеті», «Филология» мамандықтарының студенттері Алғыс хатқа және ақшалай сыйлыққа ие болды.

 

3.1 3.2 

 

     Ашық есік күні

     2018 жылдың 5 желтоқсанында Тараз инновациялық-гуманитарлық университетінде мектеп оқушыларына арналган Ашық есік күні ұйымдастырылды. Ашық есік күнінде «Білім» факультетінің «Филология» кафедрасы өздерінің мамандықтарын таныстырып, өз өнерлерін көрсе, университетті жан-жақты  таныстырды. Соңында келген қонақтар, оқушылар оқу орнын: кітапхана, спорт кешені, компьютерлік аудиторияларды аралап, танысып шықты.

4.14.2 4.3 4.4

 

 «Оралхан Бөкей атындағы көркемсөз оқу шеберлері» атты  қалалық байқау

        2018 жылдың 28 қыркүйекте Мемлекеттік тілдің қолдану аясын кеңейту және тіл мәдениетін көтеру, көркем әдебиетті насихаттауды жандандыру, халық арасынан талапты, талантты жастарды іздеп табу мақсатында 2018 жылдың 28 қыркүйек күні өткізілген «Оралхан Бөкей атындағы көркемсөз оқу шеберлері» атты  қалалық байқауға Фил 16-1 тобының студенті Спанәлі Серік пен Қт 17-1 тобының студенті Көшербай Айым қатысып, Алғыс хатармен марапатталды.

Мемлекеттік тіл міртебесін көтеру, жас ұрпақты әдеби шеберлікке баулу, өскелең ұрпаққа ақындардың қуатты да киелі көркем  шығармаларын насихаттау мақсатында өткізілген «Мұқағали Мақатаев атындағы көркемсөз оқу шеберлері» атты қалалық байқауда Фил 16-1 тобының студенті Спанәлі Серік Бас жүлде, Фил 18-1 тобының студенті Таңат Бауыржан ІІІ дәрежелі Дипломмен марапатталды.  

5.1 5.2 5.3 5.4 5.5 5.6

 

«Рухани жаңғыру».

  2018 жылдың 19 желтоқсан айында  «Филология» кафедрасының ұйымдастырумен факультетаралық І курс  орыс топтары  студенттері арасында жүргізілген «Қазақ тілі» пәні бойынша олимпиада өткізілді. Олимпиада 3 кезеңнен тұрды. 1-кезең. Интерактивті тақта арқылы көрсетілген видеоролик арқылы еркін тақырыпта эссе жазу.Эссенің мазмұны ой тереңдігі -10 ұпай; Эссенің жазылу стилі -10 ұпай;  Емле, тыныс белгілері, пунктуация -10 ұпаймен бағаланды.  2-кезең. Диктант. Тақырыбы: «Рухани жаңғыру». (Интерактивті тақтадан аудиозапись оқылды) Диктант екі түрлі талап тұрғысынан бағаланды.  Емле-15 ұпай, тыныс белгілері, пунктуация-15 ұпаймен бағаланды. 3-кезең. «Білгенге маржан» сұрақ-жауап әдісі. (Интерактивті тақта арқылы жүргізілді). Студенттер ортаға шығып, интерактивтегі көрсетілген ұяшықтарды таңдау арқылы берілген сұрақтарға жауап берді және жаңылтпашты жатқа айтты.

Олимпиаданың қорытындысы бойынша 25 студент қатысты. І орынды – Жайнақова Әсел БиО18-2, ІІ орынды- Советхан Әлімжан ВТ 18-2, Әуесбек Сұлтан ВТ18-2, ІІІ орынды  - Столярова Карина ИЯ 18-2 тобының студенттері, ал Парпиева Зарина ИЯ 18-2,  Альбина Тур 18-2 және Билялова Даниэлла  ИЯ18-2 топтарының студенттері «Қазақ тілінен» өткізілген пәндік олимпиадада өзінің терең теориялық білім мен талдау шеберлігімен дараланғаны үшін  Алғыс хаттармен марапатталды.

6.1 6.2 6.3 6.4

 

«Рухани жаңғыру-ұлттық сана мен  ұлттық болмыстың, ұлттық рухымыздың мәңгілігі»  дөңгелек үстел!

 «Болашаққа бағдар: рухани жаңғыру» мақаласын насихаттау, қазіргі жас ұрпақтардың-болашақтағы еліміздің ертеңі болып табылатын балалардың сана-сезімін, мінез-құлығын, ақыл-ойын дамыту мақсатында «Рухани жаңғыру-ұлттық сана мен  ұлттық болмыстың, ұлттық рухымыздың мәңгілігі» атты дөңгелек үстел өткізілді.  Мақсаты: рухани жаңғыру жолында студенттердің ойына аға - апаларымыздың өмір жолдарынан кездескен қиындықтарды жеңе білу, үлгі алу, өмірге деген құштарлық сезімдерін ояту, бос уақытын тиімді ұйымдастыру, бәсекеге қабілетті тұлға тәрбиелеу.

        "Рухани жаңғыру - ұлттық сана мен ұлттық болмыстың ұлттық рухымыздың мәңгілігі" тақырыбы аясында өтілген дөңгелек үстелде «Филология» кафедрасының аға оқытушысы М. Әбілұлының "Ана тіліміздің ұлттық сана мен ұлттық болмысымызды сақтаудағы рөлі" деген тақырыбында баяндама жасады.

            Дөңгелек үстелде шығып сөйлеген профессор-оқытушылар М.Әбілұлының, Б.Бекназаровтың мемлекетіміздің тұңғыш Елбасы Н. Назарбаевтың жастар жылына байланысты шығып сөйлеген сөздерінен келіп шығатын міндеттерді атап көрсетті.

IMG 20190416 WA0000 IMG 20190416 WA0001 IMG 20190416 WA0003 IMG 20190416 WA0004

                                                                                                          

 

 ЭЛЕКТИВТІ ПӘНДЕР КАТАЛОГЫ

Кафедра

                                                                     «ШЕТЕЛ ТІЛДЕРІ» КАФЕДРАСЫ

  2017 жылы құрылған «Шетел тілдері» кафедрасы  Тараз  инновациялық-гуманитарлық университетінің жаңа кафедраларының бірі болып табылады. 2018 жылдың қыркүйегінен бастап кафедра меңгерушісінің міндетін атқарушы - филология ғылымдарының кандидаты, магистр Тургунтаева Гульсара Ашимбаевна тағайындалды.

Кафедрада 12 оқытушы (1 профессор, педагогика ғылымының докторы, 2 педагогика ғылымының кандидаты, 2 филология ғылымының кандидаты, 5 магистр, 2 оқытушы) жұмыс атқарады.

Кафедраның профессор оқытушылар құрамы 20-дан астам мамандықтарға және жоғары кәсіби білім беру мамандықтары бойынша студенттерге шетел тілін үйретеді. Мемлекеттiк лицензия негiзiнде кафедрада келесi бағыты бойынша мамандарды дайындайды: 5В011900 - «Шетел тілі: екі шетел тілі» (бакалавриат), 6М011900- «Шетел тілі: екі шетел тілі» (магистратура).

2018 жылдың маусым айында  5В011900–«Шетел тілі: екі шетел тілі» бакалавр мамандығы «Білім сапасын қамтамасыздандыру бойынша тәуелсіз Қазақстандық» агенттігінен мамандандырылған   аккредиттеуден өтті.  Аккредиттеу кеңесі жоғарыда аталған мамандық бойынша 23.06.2023 ж. дейін  5 жыл мерзімге куәлік берілді.

Кафедраның миссиясы:  күнделікті және кәсіби қарым-қатынаста шет тілін белсенді қолдану үшін сөйлесу сөзінің дағдылары мен практикалық дағдыларына ие  білімдерін пайдалана отырып, шет тілдерін меңгерудің арқасында үздіксіз өзін-өзі тану және болашақта өз біліктілігін арттыра алатын бәсекеге қабілетті мамандарды дайындау. 
         Кафедраның негізгі бағыты - заманауи инновациялық технологияларды қолдана отырып студенттердің коммуникативтік және кәсіби біліктіліктерін дамыту. Кафедраның негізгі бағыты - "студенттердің лингвистикалық, социолингвистикалық, дискурсивтік, социо-мәдениеттік, әлеуметтік-стратегиялық компоненттерге негізделген шеттілдік  коммуникативтік біліктіліктерін дамыту. 
         Кафедраның мақсаты  - заманауи инновациялық технологияларды қолдану арқылы студенттердің коммуникативтік және кәсіби құзыреттіліктерін дамыту.

Кафедраның ғылыми-зерттеу жұмысының негізгі мақсаты бірқатар нақты міндеттерді шешуге бағынады:

- тілдік мамандықтарының студенттеріне шет тілін оқытудың әр түрлі аспектілері бойынша ғылыми, әдістемелік және лингвистикалық әдебиеттерді зерттеу;

- таңдалған зерттеу бағыттары бойынша мақалалар және ғылыми баяндамаларды жазу;

- тілдік мамандықтарының студенттерімен практикалық сабақтарда және кафедраның ғылыми-әдістемелік семинарында шет тілін оқытудың анықталған ерекшеліктерін апробациялау мәселелерін талқылау.

Кафедраның ғылыми-зерттеу қызметінің негізгі бағыттары келесі мәселелермен байланысты:

-          көптілділік тұрғысынан шет тілдерін үйрету мен оқытудағы ағымдағы үрдістер мен тенденциялар;

-          жоғары білім берудегі тілдік білім беруді жаңғырту контекстінде мәдениетаралық шет тілін оқытудағы қазіргі заманғы педагогикалық технологиялары;

 

 

 

 

 

Кафедра туралы

         «ДЕНЕ ШЫНЫҚТЫРУ ЖӘНЕ БАСТАПҚЫ ӘСКЕРИ ДАЙЫНДЫҚ» кафедрасыdeneshinik

     Кафедра 2009 жылы құрылды. Кафедраның алғашқы меңгерушісі қызметін Сулейменова Т.Н. атқарды. Келесі кезекте кафедраны: phd Мадалиева Э.Б., Уралбеков А.А., м.ғ.д, профессор Куралбаев К.Б., phd Ходжагельдиева З.М. басқарған және қазіргі кезде кафедраны т.ғ.д, профессор Немеребаев М.Н.
    Кафедраның ғылыми және тәрбиелік потенциалына үлес қосқан оқытушылар: 5В010800 «Дене шынықтыру және спорт» мамандығы бойынша еркін күрестен СССР спорт шебері және ҚР еңбек сіңірген жаттықтырушысы Әбдікерімов С., аға оқытушы Испанов Р.К., Урстемов Е.Б., Касымова А.Д., Уразова Г.М. және басқалар и 5В010400 - «Бастапқы әскери дайындық» полковник Ахымбеков Б.Р., аға оқытушы Ахметов Д.
     Кафедра университеттің спорт клубымен бірге оқытушылар мен студенттер дәстүрлі түрде спорт-массалық іс –шаралар өткізеді.
    Кафедрада әрдайым оқу процесін жетілдіріп отырады. Кафедрада оқытушылар біліктілігін көтеруге және ғылыми-зерттеу жұмыстарына үлкен мән беріледі. Кафедра оқытушылары көптеген монографиялар, ғылыми әдістемелер мен ғылыми мақалалар жариялаған. Жыл сайын кафедра қызметкерлері ғылыми конференцияларда қатысады. Кафедрада 14 оқытушы қызмет атқарады. Оның 4-і ғылыми дәрежелі, 4-і магистр.

Кафедра туралы

           «МЕКТЕПКЕ ДЕЙІНГІ, БАСТАУЫШ, КӘСІПТІК ОҚЫТУ ЖӘНЕ БЕЙНЕЛЕУ ӨНЕРІ»7

  

Кафедраның құрылған күні – 01.09.2018ж. Кафедра Қазақстан Республикасы Білім және ғылым министрлігінің мемлекеттік жалпыға міндетті білім беру стандарты талаптарына сай 5В010100-«Мектепке дейінгі оқыту мен тәрбиелеу», «5В010200» – «Бастауыш оқытудың педагогикасы мен әдістемесі», мамандығы бойынша бакалавр дайындайды. Оқу жұмыс жоспарына сәйкес дәріс қазақ және орыс тілдерінде өткізіледі. ПОҚ-ы кафедрадағы оқу жұмысы, оқу-әдістемелік, ғылыми жұмыс, ұйымдастыру-әдістемелік жұмыс, тәрбиелік жұмыстар жүргізумен айналысады. Кафедра оқытушылары студенттерді адамгершілікке, имандылыққа, ізгілікке, ұлттық мінез-құлық пен әдет-ғұрып негізінде тәрбиелеуге, сонымен қатар университетте жастардың патриоттық тәрбиесіне зор көңіл бөледі. Кафедраның ғылыми-зерттеу жұмысы «Қазақстан-2050» стратегиясы қалыптасқан мемлекеттің жаңа саяси бағыты», 2011-2020 жылдарға арналған Мемлекеттік білімді дамыту бағдарламасы және Қазақстан Республикасының 18.02.2011ж. «Ғылым» туралы заңын басшылыққа алады.

Кафедраның ПОҚ ғылыми-зерттеу жұмысы: «Болашақ мұғалімдерді оқушыларға ұлттық тәрбие беруге дайындаудың теориясы мен практикасы» тақырыбында 1 кезең бойынша «Мектеп оқушыларына ұлттық тәрбие беру жайлы анықтау және оны жетілдірудің жолдары» кешенді ғылыми тақырыбының аясындағы зерттеулер кафедраның барлық оқытушылары аталған тақырып бойынша ғылыми-әдістемелік материалдарды жинаумен және талдаумен айналысады. Аталған тақырып № 0115 ҚР 00171 09.2013-06.2016ж. ҚР Ұлттық ғылыми-техникалық ақпарат орталығында тіркелген. Ғылыми ізденістің қорытындысы бойынша монографиялар жарық көрді: «Мектеп оқушыларына имандылық тәрбие берудің теориясы мен әдістемесі» 2017ж. Олардың нәтижесі оқу үрдісіне ендірілуде.

 Кафедраның профессор-оқытушылар құрамы ғылыми жұмыстар бағытында еңселі қызмет етуде: оқытушылар ғылыми конференцияларға қатысады, әдістемелік құралдар мен мақалалар дайындайды, әдістемелік және ғылыми жұмыстарға рецензия береді. ПОҚ және студенттердің ғылыми-зерттеу жұмыстарының есептері ТИГУ ғылым бөлімінде және кафедрада тіркелген. Университет ПОҚ мен білім алушылары айналысатын ғылыми-зерттеу жұмыстарын одан әрі жандандыру мақсатында еліміздің, жақын және алыс шетелдердің алдыңғы қатарлы жоғары оқу орындары және ғылыми орталықтарымен ынтымақтасу, бюджеттік және жеке шаруашылық көздерінен қаржыландырылатын жобаларға қатысу, оқытушылар мен білім алушыларды ғылыми тағлымдамадан өткізу шараларын т.б. іске асыру көзделуде.

            2018-2019 оқу жылында кафедра Академиялық ұтқырлық бағдарламасы бойынша білім беру қызметтерін көрсету саласында өзара ынтымақтастық қатынас орнату мақсатында Е.Бөкетов атындағы Қарағанды мемлекеттік университетімен екіжақты келісім – шарт жасалды.

            «Мектепке дейінгі және бастауыш оқыту» кафедрасының оқу-тәрбие және ғылыми-зерттеу үдерісінің тиімділігін  жоғарылату мақсатында жұмыс берушілермен ортақ жұмысты жетілдіруде оқу жылының басында «Астана» колледжі, «Тараз политехникалық колледжі», Тараз қ. №12, №23, №46, №49, №53 мектептері, Тараз қ. ,№14, №16, №18, №39, бала-бақшаларымен келісім-шарт жасалынып, «Бастауыш оқытудың педагогикасы мен әдістемесі», «Мектепке дейінгі оқыту және тәрбиелеу», мамандықтарының студенттері таңдаған элективті пәндері жұмыс берушілермен келісе отырып және сұраныстары негізінде жұмыс оқу жоспарына енгізіліп отырады.           Түлектермен және жұмыс берушілермен байланыс аясында түлектерді жұмысқа орналастыру бойынша іс-шаралар жоспарына сәйкес жүйелі мақсатты жұмыс жүргізіліп отырады. БОПӘ мамандығының түлектері университеттің жыл сайынғы ұйымдастырылатын бос орындар жәрмеңкесіне қатысып, онда жұмыс берушілермен тікелей қарым-қатынас жасап, оларға өз портфолиоларын, түйіндемелерін ұсынады.

Мамандандырылған аудиториялардың, кабинеттердің және зертханалардың тізімі

«Мектепке дейінгі және бастауыш оқыту» кафедрасында арнайы жабдықталған кабинеттер саны – 4: ««Бастауыш оқытудың әдістемелері» дәрістік оқу залы, ««Бастауыш оқытудың педагогикасы мен әдістемесі» дәрістік оқу залы және ««Мектепке дейінгі оқыту мен тәрбиелеу» дәрістік оқу залы» «"Бастауыш сыныптағы оқу-тәрбие жұмыстарының әдістемесі» зертханасы.

 

 

Ректордың блогы

logo10let

logopromishrevol kaz

ruhani jangyru logo

Видеогалерея

logo 3d