COVID-19 қауіпсіздік ережелерін сақтаңыз!

Мекен-жайы

Тараз қ, Желтоқсан көш, 69Б

Байланыс Телефоны

+7 (7262)54-11-27

Жұмыс уақыты

Дүйсенбі - Жұма: 09.00 - 18.00

Тараз инновациялық-гуманитарлық университеті

Басты бет / Медиа / Жаңалықтар

Жаңалықтар

Өскемен қаласында Волейболдан жоғары лиганың 23 жасқа дейінгі ерлер командалары арасындағы Қазақстан Республикасының 29-шы чемпионаты өткізілуде. Аталмыш чемпионаттың 5-ші турында Халықаралық Тараз инновациялық институтының волейболшылары Павлодар қаласынан келген қарсыластарын 3-0 есебімен ойсырай ұтып, келесі кезеңге жолдама алды. Естеріңізге сала кетсек команда 01.07.2019 жылы құрылған болатын. Жаттықтырушысы Муратов Самал. Құрамында Бәд 17-1 тобының студенті Мейрамбек Нұрдəулет, Дш  17-3 тобының студенті Әсілхан Мәди, Дш 18 - 1 тобының студенті Топар Нұрперзент, Дш 18-1 тобының студенті Шакизада Абылайхан, Дш 18-1  тобының студенті Нурмахамбетов Нурлыбек өнер көрсететін командаға алдағы ойындарда жеңістер тілейміз!!!

Сәуірдің 9-жұлдызы "Шығармашылық мамандықтар" факультеті "Кәсіптік оқыту" мамандығының ұйымдастыруымен "Қыз еркем-өнерімен көркем" атты арулар байқауы өткізілді. Байқауда 5 ару бақ сынады. Бас жүлдені, "Қыз-еркем 2021" тәжі мен белбеуін дене шынықтыру мамандығының 1-курс студенті Сағатқызы Қарлығаш иеленді.

 

Халықаралық Тараз инновациялық институты

12 сәуір ғылым күніне арналған

«Ғылым мен білім беру үрдістерін ұштастырудың бағыттары мен болашағы» атты

дөңгелек үстел

Бүгін  «Жаратылыстану» факультетінің ұйымдастыруымен  «Ғылым мен білім беру үрдістерін ұштастырудың бағыттары мен болашағы» атты дөңгелек үстел өтті.

12 сәуір – Қазақстанда ғылым саласы қызметкерлерінің күні. 2011 жылы ҚР тұңғыш президенті Нұрсұлтан Әбішұлы Назарбаев жарлық шығарып, 12 сәуірді ғылым қызметкерлерінің күні ретінде бекітті. Мерекені атап өту 2012 жылдан басталды.

Дәл осы күні қазақ академигі, ғалым-геолог әрі Қазақстан ғылым академиясының тұңғыш президенті Қаныш Сәтбаев дүниеге келген.

Қазіргі уақытта Қазақстанның ғылым саласында 22 мыңнан аса қызметкер жұмыс істейді. Қазақстанда ғылым саласының қалыптасуына 1946 жылы ҚР Ұлттық ғылым академиясы құрылуы негіз болды. Біздің факультетте 5 ғылым докторы, 24 ғылым кандидаты, 2-PhD доктор жұмыс атқарып келетінін айтып, «Жаратылыстану» факультетінің деканы Мұрат Нуридинұлы ғылым күнінің шығу күніне тоқталды.

Дөңгелек үстелді Ғылым, инновация және халықаралық байланыстар жөніндігі проректор, э.ғ.д., профессор Тажибаев Серік Дүйсеналыұлы ашып берді.

«Жаратылыстану ғылымдары» кафедрасының профессоры т.ғ.д. Жамбыл Абдулла және «Стандарттау және ветеринариялық санитария» кафедрасының профессоры, т.ғ.д. Мұхатай Немеребайұлы барша ұжымды  ғылым күнімен құттықтап, жұмыстарына сәттілік тіледі.

 «Ғылым мен білім беру үрдістерін ұштастыру бағыттары мен болашағы» тақырыбында «Стандарттау және ветеринариялық санитария» кафедрасының д.м.а.,  т.ғ.к. Шымыр Жалел баяндама оқыды.

Жаратылыстану факультетінде бүгінгі күніғылым мен білімді, өндірісті ұштастыру мақсатында біршама жұмыстар жүргізілуде.Ақтарылып жатқан жұмыстар бойынша сөз кафедра меңгерушілеріне берілді. «Ақпараттық коммуникативтік технологиялар» кафедрасының меңгерушісі п.ғ.к. Оңғарбаева Марал Буркитбаевна «Болашақ мамандардың кәсіби құзіреттіліктерін қалыптастыру жолдары» тақырыбында  баяндама жасады.

«Биология және ауылшаруашылықтар мамандығы» кафедрасының меңгерушісі г.ғ.к. Молдахметов Марат Молдабекұлы Биология және ауылшаруашылық мамандықтары кафедрасының әдістемелік басшылығының негізінде «Агробиологиялық» ҒЗО жұмыс нәтижелерін тиімді комерцияландыру мақсатында көкөніс өнімдерін консервілеу және ара балын стик пакеттерге салу бойынша баяндап берді.

Халықаралық Тараз инновациялық институтының шығармашыл студенттері 10 сәуір күні концерттік кеш ұйымдастырды.

Институттың Студенттер үйі алдында қазақтың қара домбырасына арналып қойылған ескерткіш жанында өткен концерттік бағдарламаны ұжым мүшелері, студент жастармен қатар қала тұрғындары  да тамашалады.

Институттың ұлт аспаптар оркестрінің, «Дәрумендер» жайдарманшылар тобының, вокалдық топтар мен жеке әншілердің өнері, ұлттық дәстүрлерімізді насихаттауға арналған викториналық сұрақтар мен ойындар көрермендерге көтеріңкі көңіл-күй сыйлады.

Имидждік жұмыстар және қоғаммен байланыс секторы

 

 

 

 

2021 жылдың 8 сәуір күні Халықаралық Тараз инновациялық институтында «Филология» кафедрасының ұйымдастыруымен  12 сәуір Ғылым күніне орай «Қазақ тіл білімінің лингвистикалық статистика саласының білікті маманы, филология ғылымдарының кандидаты, Қожа Ахмет Ясауи атындағы Халықаралық қазақ-түрік университетінің академиялық профессоры, доцент БЕЛБОТАЕВ АЛМАСБЕК БАТАНҰЛЫНЫҢ  «ҚАЗАҚ ТІЛІН ОҚЫТУ ҮДЕРІСІНДЕ «ЖИІЛІК СӨЗДІКТЕРДІ» ҚОЛДАНУДЫҢ ТИІМДІЛІГІ» атты тақырыпта ғылыми-әдістемелік семинар өткізілді.

          Ғылыми-әдістемелік семинарды «Филология» кафедрасының доценті, ф.ғ.к. Пертаева Эльмира Құлибайқызы жүргізді.

          Семинарға Халықаралық Тараз инновациялық институтының Ғылым, инновация және халықаралық байланыстар жөніндегі проректоры, э.ғ.д., профессор Тәжібаев Серік Дүйсенәліұлы, «Педагогика» факультетінің деканы, ф.ғ.к., доцент  Кужаева Маржан Турегуловна, «Жаратылыстану мамандықтар» кафедрасының  доценті, т.ғ.к. Амиров Құлынбек Амирович,  және «Филология» кафедрасының  профессор-оқытушылары мен студенттері қатысты. Зиялы қауым өкілдері өз тарапынан өзіндік ой-пікірлерін білдірді. 

Ғылыми әдістемелік семинарда «ҚАЗАҚ ТІЛІН ОҚЫТУ ҮДЕРІСІНДЕ «ЖИІЛІК СӨЗДІКТЕРДІ» ҚОЛДАНУДЫҢ ТИІМДІЛІГІ» тақырыбында сөз қозғалды. Әсіресе, «Жиілік сөздігі не үшін қажет?», «Сөздіктің дерекөзі-мәтіндегі базасы (мәтін корпусы)», «Сөздікті жасау кезеңдері», «Сөз таптарының жиілігі туралы» және т.б. тақырыптар жан-жақты қарастырылды.  Студенттер тарапынан сұрақтар қойылып, қызу талқыға түсті.

«Филология» кафедрасының меңгерушісі Беркенова Рабиға Ағабекқызы профессор-оқытушылары мен студенттерінің 2020-2021 оқу жылында  жеткен жетістіктері, жарияланған ғылыми еңбектері жайында баяндама жасады.

            Қорыта келгенде, Тәуелсіз мемлекетіміздің ертеңі ұрпақтың рухани байлығы, мәдениеті, саналы ұлттық ойлау қабілеті мен біліміне, іскерлігіне байланысты. Осыған орай ЖОО оқу үдерісінде студенттердің танымдық қызығушылықтарын арттыру, болашақта білім мен ғылымды  өз бетінше жинап алу қабілеттерін дамытуда жетекшілік роль атқарады және пәндерді оқыту барысында көзделетін білімділік, дамытушылық, тәрбиелік міндеттерді жүзеге асыруда және қалыптастыруда сабақта әртүрлі әдіс-тәсілдерді қолданудың тиімділігіне қол жеткізуге болады.